ФИФА рефериси Муҳсин Туркий бошчилигидаги эронлик ҳакамлар бригадаси ОК-2015 саралаши 3-туридан ўрин олган Ўзбекистон ҳамда Вьетнам терма жамоалари ўртасидаги учрашувни бошқариб боради. Муҳсин Туркийга қанотларда ҳамюртлари Муҳаммадризо Ҳусайн ҳамда Алинизо Сайид Алилар ёрдам беришади. Маълумот ўрнида, мазкур ўйин 15 октябрь куни Тошкентдаги «Пахтакор» стадионида бўлиб ўтади.
15 ноябрь куни ушбу терма жамоаларнинг Вьетнамда бўлиб ўтадиган 4-тур учрашувида эса, жанубий кореялик Ким Жонг Хёк бошчилигидаги ҳакамлар бригадаси ишлайди. Унга қанотларда ҳамюртлари Юн Кванг-Йол ҳамда Жи Сёнг Минлар ёрдам беришади.
Эслатиб ўтамиз ОК-2015 «Е» гуруҳида ҳозиргача 2-тур ўйинлари ўтказилди. Унга кўра, Миржалол Қосимов бошчилигидаги Ўзбекистон миллий терма жамоаси 2 очко билан гуруҳда 3-ўринни эгаллаб туришибди. «Е» гуруҳида 2-тур ўйинларидан сўнг БАА терма жамоаси 6 очко билан пешқадам бўлиб турибди. Гонконг терма жамоаси эса, 4 очко билан гуруҳда иккинчи ўринда бормоқда.
ОК-2015. Саралаши, «Е» гуруҳи. 3-тур
15 октябрь. Тошкент. «Пахтакор» стадиони.
Бош ҳакам: Муҳсин Туркий (Эрон)
Қанот ҳакамлари: Муҳаммадризо Ҳусайн (Эрон), Алинизо Сайид Али (Эрон)
Захира ҳаками: Хуршиди Ашқон (Эрон)
Комиссар: Чуанг Чин Фанг (Хитой Тайпейи)
ОК-2015. Саралаши, «Е» гуруҳи. 4-тур
15 ноябрь. Ханой. «Май Дин» стадиони
Бош ҳакам: Ким Жонг Хёк (Жанубий Корея).
Қанот ҳакамлари: Юн Кванг-Йол (Жанубий Корея), Жи Сёнг Мин (Жанубий Корея).
Захира ҳаками: Ю Минг-Сун (Хитой Тайпейи)
Комиссар: Гутам Кар (Ҳиндистон)
