«Наполи» бош мураббийи Массимилиано Аллегри Чемпионлар лигаси 1-турида «Арсенал»га 0:1 ҳисобида мағлуб бўлганидан сўнг учрашув ҳақида фикр билдирди.
«Биринчи бўлимда ўйин тенгроқ кечди, чунки ҳали оёқларимизда куч бор эди. Бир нечта футболчимиз бу мавсумда илк бор асосий таркибда майдонга тушди. Тўпни ҳам яхшироқ назорат қилаётгандик. Майдоннинг сўнгги учдан бир қисмида нотўғри қарорлар қабул қилдик, жарима майдонида ҳеч ким бўлмаган пайтларда ҳам тўп узатмаларни амалга оширдик», — деди мураббий Football Italia нашрига.
«Ижобий жиҳатлар ҳам бўлди, аммо бундай даражадаги жамоага қарши тез-тез нотўғри қарорлар қабул қилсангиз, бунинг учун жазоланишингиз мумкин. Иккинчи бўлимда «Арсенал» ўйинни назорат қилди, биз эса яхши ирода ва ўзини аямаган ҳолда ҳаракат қилдик».
«Наполи»нинг Чемпионлар лигасидаги кейинги ўйини 13 октябрь куни Испаниянинг «Вильярреал» клубига қарши бўлиб ўтади.
