«ПСЖ» ярим ҳимоячиси Фабиан Руис жамоанинг янги футболчиси Ферран Торреснинг муваффақияти ҳақида фикр билдирди.
Ёзда «Барселона»дан сотиб олинган испаниялик ҳужумчи Чемпионлар лигасида «Слован»га қарши 6:1 ҳисобидаги ғалаба билан якунланган учрашувда хет-трик қайд этди.
«Бу мени ҳайрон қолдирмади. Мен Ферранни жуда яхши биламан, шунинг учун унинг кўп гол уриши ва ҳимояда ҳам ишлашига ишончим комил эди. Унинг хет-трик қайд этгани ва жамоага яхши мослашганидан хурсандман», — деди Фабиан Руис.
Ферран Торрес Луис Энрике жамоасида барча турнирлардаги 4 та учрашувда 5 та гол урди. 26 ёшли ҳужумчининг трансфери парижликларга қарийб 50 миллион еврога тушган.
