Чоршанба куни Англия Лига кубоги доирасида «Челси» ўз майдонида «Лидс»ни 6:3 ҳисобида мағлуб этди.
Учрашувда «кўклар» 0:2 ҳисобида ортда бораётган эди, аммо иккинчи бўлимда захирадан майдонга тушган Морган Роджерс ва Коул Палмернинг ҳаракатлари эвазига ўйинни ўз фойдасига ўзгартира олди. Роджерс учта голли узатма амалга оширди, Палмер эса икки марта рақиб дарвозасини ишғол қилди.
Учрашувдан сўнг Роджерс ва Палмер Sky Sports телеканалига флеш-интервью берди. Суҳбат давомида Морган кўп йиллик дўсти Палмерни ҳазиломуз тарзда «нишонга олди».
«Менда учта ассист бор! Бу ақлбовар қилмас ҳолат. У эса пенальтидан гол урди. Бу жиноят-ку! Мен ҳақимда умуман гапирманг, мен шунчаки томошабинман!» — деди Роджерс Палмерга учрашувнинг энг яхши футболчиси соврини берилганидан норози бўлиб, ҳазил қилган ҳолда.
