Таниқли француз журналисти Йоанн Риу Карим Бензема ўзининг жаҳон футболидаги аҳамиятини ортиқча баҳолаётганини айтди.
Яқинда 38 ёшли футболчи ўзини футбол тарихидаги энг яхши уч ҳужумчидан бири деб ҳисоблашини билдирган, бироқ бразилиялик Роналдодан ортда эканини тан олган эди.
«Узр, аммо менинг фикримча, Бензема футбол тарихидаги энг яхши 20 ҳужумчи қаторига ҳам кирмайди. Каримни хафа қилмоқчи эмасман, аммо футбол 2010 йилда пайдо бўлгани йўқ — бу спортнинг ўнлаб йиллик тарихи бор. Мен уни энг яхши 20 таликда ҳам, ҳатто 30 таликда ҳам кўрмайман», — дея Риунинг сўзларини Actu Foot келтирмоқда.
