«Брюгге» марказий ҳужумчиси Николо Тресольди Англия Премьер-лигасининг икки клуби қизиқишлари доирасига тушди.

TEAMtalk маълумотига кўра, 22 ёшли немис футболчисига «Тоттенхэм» ва «Манчестер Юнайтед» қизиқиш билдирмоқда. Ҳар икки клуб скаутлари Чемпионлар лигаси умумий босқичининг 1-туридаги «Брюгге» — «Астон Вилла» учрашувида форварднинг ҳаракатларини кузатган.

Манба таъкидлашича, Тресольди «Тоттенхэм»нинг трансфер рўйхатида юқори ўринда турибди. Лондонликлар ҳужум чизиғини кучайтириш ва унга хилма-хиллик қўшишни истамоқда. «Манчестер Юнайтед» эса футболчини кўпроқ келажак учун мўлжалланган вариант сифатида кўриб чиқмоқда.

Тресольди жорий мавсумда барча мусобақалар доирасида 7 та ўйинда 5 та гол урди.

Transfermarkt унинг трансфер қийматини 25 млн еврога баҳоламоқда.