«Бавария» ҳужумчиси Харри Кейн клуб билан янги шартнома имзолаш бўйича музокаралар яхши кечаётганини айтди.
Амалдаги келишуви келаси йил ёзида якунланади. Томонлар ҳамкорликни давом эттириш истагида, аммо ҳозирча якуний келишувга эришилмаган.
«Биз бир неча ҳафта олдин музокара ўтказдик. Бу ҳафта эса яна икки марта учрашдик. Янги шартнома бир кечада тузилмайди.
Барча томонлар учун энг мақбул шартларга келишишдан олдин вазиятни яхшилаб ўйлаб кўриш ва тушуниш учун вақт керак.
Шунинг учун яқин бир-икки ҳафта ичида ҳамма нарса имзоланишини кутмаяпман. Умид қиламанки, бир-икки ой ичида истаган натижамизга эришамиз», — деди Кейн.
