"Ливерпуль"нинг бразилиялик дарвозабони Алиссон Бекер 8 минг фунт стерлинг миқдорида жаримага тортилди.
"Ноттингем Форест"га қарши дуранг билан якунланган ўйиндан кейин Алиссоннинг қаттиқ норози экани сезилди. У якуний ҳуштакдан сўнг алмаштиришлар ҳақида маълум қилиш учун ишлатиладиган табличкаларни бир неча бор тепиб юборди.
Ушбу эпизод интизом комиссияси эътиборидан четда қолмади ва бразилиялик дарвозабон хатти-ҳаракатлари учун 8 минг фунт миқдорида жаримага тортилди.
Эслатиб ўтамиз, Алиссон Бекер 2018 йилдан буён "Ливерпуль" шарафини ҳимоя қилиб келмоқда. У Англия клубига Италиянинг "Рома" жамоасидан келиб қўшилган.
