"Галатасарай"ни тарк этганидан сўнг эркин агентга айланган аргентиналик ҳужумчи Мауро Икарди янги жамоа изламоқда.
TyC Sports маълумотига кўра, футболчида Греция чемпионатида фаолиятини давом эттириш вариантлари бор. Унга ПАОК ва "Олимпиакос" қизиқиш билдирмоқда.
Шунингдек, Икардига Италиянинг "Парма" ва "Лацио" клублари, ҳамда Англиянинг "Эвертон" жамоаси ҳам даъвогарлар қаторида қайд этилмоқда.
Эслатиб ўтамиз, Мауро 2022 йилдан буён "Галатасарай" шарафини ҳимоя қилиб келган. 33 ёшли форвард турк клуби сафида 134 та ўйинда майдонга тушиб, 77 та гол урди ва 23 та голли узатмани амалга оширди.
