«Бавария» бош мураббийи Венсан Компани Чемпионлар лигаси умумий босқичининг биринчи турида «Будё-Глимт»га қарши ўйинда Жамал Мусиаланинг ҳаракатларини алоҳида эътироф этди.

Мюнхенликлар 5:0 ҳисобида ғалаба қозонган учрашувда Мусиала 47-дақиқада ҳисобни очди.

«У учун ҳамма хурсанд бўлди — стадиондаги 75 минг мухлис ҳам, телевизор қаршисидаги томошабинлар ҳам. Биз унинг лаҳзаси келишини билардик. У жуда муҳим гол урди. Бу Жамал учун ажойиб ҳолат.

Умид қиламанки, энди асосий эътибор фақат унинг ўйинига қаратилади. У бошқа масалаларни қандай ҳал қилишни яхши билади, биз эса уни тўлиқ қўллаб-қувватлашда давом этамиз», — дея Компани сўзларини BFW келтирди.

Аввалроқ Мусиала соғлиғи билан боғлиқ муаммолар сабаб бир нечта ўйинни ўтказиб юборган эди.