«Барселона» Чемпионлар лигасининг янги мавсумини «Камп Ноу»да «Фейеноорд»ни 5:1 ҳисобида мағлуб этиб, муваффақиятли бошлади.

Рафиньянинг дубли, Карим Адейеми ва Ламин Ямалнинг чиройли голларидан ташқари, учрашувнинг эсда қоларли воқеаларидан бири Габриэл Жезуснинг каталонияликлар сафидаги Европа кубокларидаги дебюти бўлди.

29 ёшли бразилиялик ҳужумчи учрашув охирида захирадан майдонга тушди ва биринчи тегинишининг ўзида гол уришга муваффақ бўлди. У Ямалнинг узатмасини бош билан дарвозага йўллади.

Бу Жезуснинг Чемпионлар лигасидаги 27-голи бўлди. Шу тариқа у турнир тарихида энг кўп гол урган бразилиялик футболчи мақоми бўйича машҳур ватандоши Ривалдо билан тенглашди.

Шунингдек, Жезус «Реал» футболчиси Родригодан ҳам ўзиб кетди. Родриго ҳисобида 26 та гол бор. У тиззасидан ўтказган жарроҳлик амалиётидан кейин тикланишда давом этмоқда ва тахминларга кўра, 2027 йилга қадар майдонга қайта олмайди.