Лондоннинг «Тоттенхэм» клуби бразилиялик ҳужумчиси Ришарлисон «Васко да Гама»га трансфери амалга ошмаганига қарамай, жамоани тарк этиши мумкин.
UOL маълумотига кўра, ҳозир ҳам Ришарлисонга қизиқиш билдираётган бир нечта клуб бор. Айни пайтда Португалия ва Саудия Арабистонида трансфер ойнаси ҳали ёпилмагани сабабли, ҳужумчининг жамоадан кетишини истисно қилиб бўлмайди.
Янги мавсумда Ришарлисон Англия Премьер-лигасида фақат 1 та учрашувда иштирок этди ва натижавий ҳаракат қайд этмади. Шундан сўнг «Тоттенхэм» бразилиялик футболчини мавсум учун аризага киритмади.
Ришарлисоннинг «шпорлар» билан амалдаги шартномаси келаси ёзда ўз ниҳоясига етади.
