«ПСЖ»нинг грузиялик вингери Хвича Кварацхелия нега гетрларини баланд кўтармай ўйнай бошлаганини тушунтирди.
«Бу «Наполи» сафидаги биринчи ўйиним эди ва 35 дақиқа давомида оёғим тортишиб турди. Балки дебют сабабли жуда қаттиқ ҳаяжонланган бўлсам керак. Одатда гетрларимни баланд кўтариб ўйнардим, аммо ўша пайтда уларни туширсам, ўзимни енгилроқ ҳис қиламан, деб ўйладим. Шундан кейин гол урдим. Балки шунчаки омадим келгандир, аммо ўшандан бери ҳеч нарсани ўзгартирмасликка қарор қилдим», — деди Кварацхелия The Athletic нашрига берган интервьюсида.
Жорий мавсумда Кварацхелия барча мусобақаларда 5 та учрашувда 1 та гол урди ва 1 та голли узатма амалга оширди.
