Лондоннинг «Арсенал» клуби ярим ҳимоячиси Бруно Гимараэс «Сандерленд» устидан қозонилган 2:0 ҳисобидаги ғалабадан сўнг жамоадоши Давид Райянинг ўйинига юқори баҳо берди.

Испаниялик дарвозабон 56-дақиқада пенальтини қайтарди, орадан икки дақиқа ўтиб эса бразилиялик футболчи «канонирлар»ни олдинга олиб чиқди. Учрашув якунида Райя яна бир муҳим сейв амалга ошириб, меҳмонларнинг устунлигини сақлаб қолишга ёрдам берди. Кейинчалик Букайо Сака иккинчи голни урди.

«Райя — шубҳасиз, дунёдаги энг яхши дарвозабон. Ажойиб сейвлар. У пенальти вазиятида бизни қутқариб, ишонч бағишлади. Ажойиб футболчи», — дея Гимараэснинг сўзларини BBC келтиради.

«Арсенал» тўрт турдан сўнг 12 очко жамғариб, Премьер-лига жадвалида пешқадамлик қилмоқда.