«Ал-Қува Ал-Жавия» клуби Ироқ футболидаги энг тарихий ва совриндор клублардан бири ҳисобланади.

Тўлиқ номи: «Ал-Қува Ал-Жавия» спорт клуби
Ташкил топган: 1931 йил 4 июль
Шаҳар: Бағдод, Ироқ
Лақаби: «Ал-Суқур» — «Лочинлар»
Стадион: «Ал-Шаъб» стадиони
Сиғими: 35 700 томошабин
Мусобақа: Ироқ юлдузлар лигаси
Бош мураббий: Фетҳи Жебель

«Ал-Қува Ал-Жавия» Ироқнинг пойтахти Бағдод шаҳрида жойлашган ва мамлакат футболидаги энг қадимий клублардан бири ҳисобланади. Клуб 1931 йилда ташкил этилган бўлиб, бугунги кунга қадар Ироқ футболидаги етакчи жамоалардан бири сифатида фаолият юритиб келмоқда.

ТАРИХИ ВА ЮТУҚЛАРИ

«Ал-Қува Ал-Жавия» Ироқ юлдузлар лигаси чемпионлигини 7 марта қўлга киритган. Жамоанинг сўнгги чемпионлиги 2025/26 йилги мавсумга тўғри келади. Бундан ташқари, клуб Ироқ кубогида 6 марта, Ироқ Суперкубогида эса 2 марта ғолиб бўлган.

Клубнинг халқаро майдондаги энг катта муваффақияти — ОФК кубогидаги учта кетма-кет чемпионлик. «Ал-Қува Ал-Жавия» 2016, 2017 ва 2018 йилларда турнирда ғолиб чиқиб, ушбу мусобақани кетма-кет уч марта қўлга киритган тарихдаги илк клубга айланган.

Жамоа Осиёнинг нуфузли клублар турнирининг юқори даражасида ҳам мунтазам қатнашиб келади ва ОФК Чемпионлар лигаси Элит гуруҳ босқичида бир неча бор иштирок этган.

2025/26 ЙИЛГИ МАВСУМ

«Ал-Қува Ал-Жавия» 2025/26 йилги Ироқ юлдузлар лигаси мавсумини 1-ўринда якунлаб, навбатдаги чемпионликни қўлга киритди. Бу клуб тарихидаги еттинчи титул бўлди.

2026/27 йилги мавсумнинг дастлабки турларида жамоа 7 учрашувдан сўнг 7 очко билан турнир жадвалининг 13-поғонасида бормоқда.

ЖАМОАНИНГ 2026/27 ЙИЛГИ ТАРКИБИ

Дарвозабонлар

Али Ибади Жаббар
Ҳайдар Муҳаммад Файсал Ал-Обидий
Муҳаммад Раҳим Зиёд Далфий

Ҳимоячилар

Руслан Ҳанун
Муслим Муса
Муҳаннад Жаҳзе
Мозес Оркума
Аббос Одил
Ашраф Будрама
Сипан Содиқ
Карар Али Ҳасан
Саид Аҳмад Салама Ар-Росан

Ярим ҳимоячилар

Саъд Абдул Амир
Муҳаммад Жавад
Муҳаммад Самий
Аббос Фавзий
Муҳаммад Солиҳ Межбел
Ҳарис Ҳатам
Мужтаба Аил
Ал Ҳарис Ҳатам

Ҳужумчилар

Энтони Окпоту
Ҳайсам Жуайни
Туисила Кисинда
Мурод Муҳаммад
Майсам Ваад
Аҳмад Сабри
Томас Андраде

Жамоа таркибида ироқлик футболчилар билан бир қаторда Тунис, Либерия, Камерун, Аргентина ва бошқа давлатлар вакиллари ҳам мавжуд. Бу «Ал-Қува Ал-Жавия» халқаро тажрибага эга таркиб шакллантиришга эътибор қаратаётганини кўрсатади.

ЭЪТИБОРГА МОЛИК ФУТБОЛЧИЛАР

Муҳаммад Жавад — жамоанинг ҳужум чизиғидаги муҳим футболчилардан бири. 2026/27 йилги Ироқ юлдузлар лигаси мавсумининг дастлабки турларида 2 та гол урган.

Саъд Абдул Амир — тажрибали ярим ҳимоячи бўлиб, жамоанинг марказий чизиғидаги асосий футболчилардан бири ҳисобланади.

Энтони Окпоту — ҳужумчи, жамоанинг хорижлик футболчиларидан бири. 2026/27 йилги мавсумда гол ҳисобига эга бўлган.

Томас Андраде — аргентиналик ярим ҳимоячи. Техник имкониятлари ва ҳужумларни ташкил этишдаги фаол иштироки билан ажралиб туради. Мавсум бошида 2 та голли узатма қайд этган.

ҚИСҚА ФАКТЛАР

1931 — клуб ташкил топган йил
7 — Ироқ чемпионлиги
6 — Ироқ кубоги
2 — Ироқ Суперкубоги
3 — ОФК кубоги ғолиблиги
2016, 2017, 2018 — кетма-кет ОФК кубоги чемпионликлари
Бағдод — клубнинг ватани
«Лочинлар» — жамоанинг машҳур лақаби

«Ал-Қува Ал-Жавия» ўзининг узоқ тарихи, кўплаб миллий совринлари ва Осиё миқёсидаги муваффақиятлари билан Ироқ футболидаги энг номдор клублардан бири саналади. Жамоанинг учта кетма-кет ОФК кубоги чемпионлиги эса клубни Осиё футболи тарихидаги алоҳида жамоалардан бирига айлантирган.

«Нефтчи» ПФК матбуот хизмати