«Барселона» футболчилари Рафинья Диас, Ламин Ямал ва Фермин Лопес 2026/27 йилги Ла Лиганинг дастлабки бешта турида жами 16 та гол урди.

Рафинья ва Ямал ҳисобида 6 тадан гол бор, Фермин Лопес эса 4 марта рақиблар дарвозасини ишғол қилган.

Transfermarkt маълумотларига кўра, Испания чемпионатидаги дастлабки беш турда бир ҳужум учлиги томонидан 16 та гол урилиши 1958/59 йилги мавсумдан бери илк бор кузатилмоқда.

Ўша мавсумда Мадриднинг «Реал» клуби таркибида Альфредо Ди Стефано, Ференц Пушкаш ва Эктор Риаль дастлабки беш турда жами 16 та гол урган эди.

«Барселона» чемпионатдаги сўнгги учрашувида «Леванте»ни 4:2 ҳисобида мағлуб этди. Ханс-Дитер Флик шогирдлари 15 очко билан Ла Лига турнир жадвалида якка пешқадам бўлиб турибди.