«Barselona» futbolchilari Rafinya Dias, Lamin Yamal va Fermin Lopes 2026/27 yilgi La Liganing dastlabki beshta turida jami 16 ta gol urdi.

Rafinya va Yamal hisobida 6 tadan gol bor, Fermin Lopes esa 4 marta raqiblar darvozasini ishg‘ol qilgan.

Transfermarkt ma’lumotlariga ko‘ra, Ispaniya chempionatidagi dastlabki besh turda bir hujum uchligi tomonidan 16 ta gol urilishi 1958/59 yilgi mavsumdan beri ilk bor kuzatilmoqda.

O‘sha mavsumda Madridning «Real» klubi tarkibida Alfredo Di Stefano, Ferens Pushkash va Ektor Rial dastlabki besh turda jami 16 ta gol urgan edi.

«Barselona» chempionatdagi so‘nggi uchrashuvida «Levante»ni 4:2 hisobida mag‘lub etdi. Xans-Diter Flik shogirdlari 15 ochko bilan La Liga turnir jadvalida yakka peshqadam bo‘lib turibdi.