«Барселона» чап қанот ҳимоячиси Жерар Мартин бўйича режага эга. Goal портали Mundo Deportivo нашрига таяниб хабар беришича, каталонияликлар Мартин билан шартномани узайтириб, унинг товон пули миқдорини 100 миллион еврогача оширишни режалаштирмоқда.
Ханс-Дитер Флик 24 ёшли Мартиннинг имкониятларига ишонмоқда. Шартнома узайтирилганидан сўнг футболчининг маоши ҳам оширилади.
Инсайдер Фабрицио Романонинг маълумотига кўра, томонлар дастлабки келишувга эришган, аммо шартнома бўйича расмий музокаралар ҳали бошланмаган.
Жерар Мартин «Барселона» сафида 97 та учрашув ўтказиб, 1 та гол урган ва 7 та голли узатмани амалга оширган.
