Хамес Родригес Колумбия терма жамоасидаги фаолиятини якунлаганини эълон қилди.

"Вақти келди. Ҳар бир ўйин, ҳар бир қувончли лаҳза ва ҳар бир кўз ёши учун раҳмат. Терма жамоа рангларини ҳимоя қилиш мен учун энг катта фахр эди. Раҳмат, Колумбия", — деб ёзди 35 ёшли футболчи ижтимоий тармоқда.

Хамес Колумбия миллий жамоаси сафида 131 та учрашув ўтказиб, 31 та гол урди. У терма жамоада ўтказилган ўйинлар сони бўйича дарвозабон Давид Оспина билан биргаликда мамлакат тарихида биринчи ўринни эгаллаб турибди.

2014 йилги жаҳон чемпионатида Родригес 6 та гол билан турнирнинг энг яхши тўпурари бўлган. 2024 йилда эса у Америка кубогининг энг яхши футболчиси деб топилган.

Хамес сентябрь ойида "Атлетико Насьональ" сафига қўшилди. У фаолияти давомида "Порту", "Монако", "Реал", "Бавария", "Эвертон", "Олимпиакос", "Сан-Паулу", "Райо Вальекано" ва бошқа клубларда ҳам тўп сурган.

Колумбиялик футболчи "Реал" билан икки марта Чемпионлар лигасида ғолиб чиққан.