Испаниялик ҳужумчи Альваро Мората фаолияти давомида бир қатор машҳур клублар, жумладан «Ювентус» ва «Реал» сафида тўп тепган. Аммо футболчининг айтишича, у фақат «Атлетико»га мухлислик қилади.

«Мадриднинг «Атлетико» клубига мухлислик қилишимни яширмайман. Имконият бўлиши билан уларнинг ўйинларини томоша қилишга бораман.

Мен «Реал» сафида ҳам ўйнаганман ва бу тажриба доим мен билан қолади, чунки у дунёнинг энг буюк клубларидан бири. Аммо қалбим ҳар доим «Атлетико» билан бўлган. «Матрасчилар»га бўлган муҳаббатимни ҳеч қачон яширишдан уялмаганман», — дея Моратанинг сўзларини derbyderbyderby.it келтирди.

Айни пайтда Мората Испаниянинг «Леганес» клуби сафида тўп тепмоқда.