Англия терма жамоаси бош мураббийи Томас Тухель ЖЧ-2026нинг 1/8 финалида Мексика устидан қозонилган ғалабадан кейинги ҳиссиётларини эслади.

Англияликлар иккинчи бўлимнинг катта қисмини Жаррелл Куанса четлатилгани сабабли бир киши кам бўлиб ўтказишига қарамай, Мексикани 3:2 ҳисобида мағлуб этган эди.

«Ўйиндан кейин дўстимга ёздим: «Бу лаҳзани абадий ўзимда сақлаб қолиш учун майсадан бироз еб қўймаганимга афсусландим». Ўша пайтда айнан шундай ҳис қилгандим. Бу ҳақиқатан ҳам ўзига хос лаҳза эди», — дея Тухельнинг сўзларини BBC келтирди.

Англиянинг ушбу ғалабаси Мексика терма жамоасининг «Ацтека» стадионида ўтказган 90 та расмий ўйинидаги атиги учинчи мағлубияти бўлди.

Тухель шогирдлари ЖЧ-2026да ярим финалгача етиб бориб, Аргентинага мағлуб бўлди. Кейин эса учинчи ўрин учун баҳсда Францияни енгди.

Англия терма жамоаси кейинги учрашувини 26 сентябрь куни Миллатлар лигасининг дастлабки турида Испанияга қарши ўтказади.