ЦСКА дарвозабони ва капитани Игорь Акинфеев 40 ёшида ҳам футболда қолишга ундаётган омиллар ҳақида гапирди.
«Мен ҳали ҳам ўзимни ёш Игорь Акинфеевдек ҳис қиламан, дейлик, 22 ёшли. Албатта, эҳтимол, мени футболда ва умуман касбимда ушлаб турган нарса ҳам шу. Шунча йил шу ерда эканим, албатта, ЦСКА туфайли. Лекин ҳали ҳам иштиёқ бор. Балки, ҳали сўнгги сўзимни айтмаганман, яна бироз ўйнагим келяпти.
Агар ўз ишимни, касбимни севмаганимда, анча олдин футболни тарк этган бўлардим. Фаолиятимни якунлаб, уйда чой ичиб, ҳеч кимга халақит бермай, бемалол дам олиб ўтирардим», — дея Акинфеевнинг сўзларини «Вести» келтирди.
40 ёшли дарвозабон 4 апрель куни РПЛ доирасида «Акрон»га қарши ўйинда (2:1) жароҳат олган ва шундан бери расмий учрашувларда майдонга тушмаган.
