«Арсенал» ҳимоячиси Габриэл Магальяйнс «Челси»га қарши Лондон дербисида (2:1) рақиб дарвозабони Эмилиано Мартинеснинг бошига бутсаси теккан эпизоддан сўнг майдондан четлатишдан қутулиб қолган эди. Премьер-лиганинг муҳим ўйин эпизодлари бўйича панели (KMI) ҳакам Крис Кавананинг бразилиялик футболчига қизил карточка кўрсатмаслик қарорини қўллаб-қувватлади.
«Панель ҳакамнинг футболчини майдондан четлатмаслик қарорини бир овоздан қўллаб-қувватлади. Бир нечта футболчи тўп учун курашиб, ерда ётган эди ва Габриэлнинг ҳаракати қасддан зўравонлик қилиш ёки қоидани жиддий бузиш сифатида баҳоланмади», — дейилади KMIнинг расмий баёнотида.
Ҳодиса учрашувнинг 5-дақиқасида «Челси» дарвозаси яқинида содир бўлган. Габриэлнинг бутсаси Мартинеснинг бошига теккан. Футболчилар тўп учун курашаётгани сабабли ҳакам эпизодни кўрмаган, VAR эса мониторда қайта кўриб чиқишни тавсия қилмаган.
