Ўзбекистон Кубоги 1/8 финал босқичида "Ғазалкент" "Қўқон-1912"ни 2:1 ҳисобида мағлуб этиб, чорак финал йўлланмасини қўлга киритди.
Тошкентдаги "Жар" стадионида ўтган баҳсда ҳисоб 7-дақиқадаёқ очилди. Суҳроб Садиржонов аниқ зарба билан "Ғазалкент"ни олдинга олиб чиқди.
75-дақиқада мезбонлар устунлигини мустаҳкамлади. Бу сафар Диёр Тожиев рақиб дарвозасини ишғол қилиб, ҳисобни 2:0 кўринишига келтирди.
"Қўқон-1912" 81-дақиқада Сильванус Нимелининг голи билан фарқни қисқартирди. Бироқ қолган вақтда қўқонликлар ҳисобни тенглаштира олмади.
Шу тариқа, "Ғазалкент" 2:1 ҳисобида ғалаба қозониб, Ўзбекистон Кубогининг чорак финалига йўл олди.
