«Милан» бош мураббийи Рубен Аморим Европа лигаси умумий босқичининг 1-турида «Бенфика»дан 0:2 ҳисобида қабул қилинган мағлубиятдан сўнг жамоанинг ҳимоядаги муаммолари ҳақида фикр билдирди.

Аввало ҳимояда ишончли ўйинни йўлга қўйиб, шундан кейингина голли вазиятлардан фойдаланиш муаммосига эътибор қаратиш керакми, деган саволга Аморим шундай жавоб берди:

«Ҳаммаси ўзаро боғлиқ. Бизга тартиб ва ташкилотчилик етишмаяпти. Масалан, биринчи ўтказиб юборган голимизни олсак, жарима майдони ташқарисида ўз позициямизни сақлашимиз керак эди. Аммо бунинг ўрнига рақиб футболчисига жарима майдонимиз ичига кириб олишига имкон бердик.

Биз ўйинимизни яхшилашимиз керак, чунки дарвозамиз олдидаги хавфли вазиятлар айнан тўпни йўқотган пайтимизда юзага келмоқда.

Бундай голларни ўтказиб юборишимиз мумкин эмас. Ўйин сценарийсини ўзгартириш учун биринчи бўлиб гол уришимиз керак. Чунки биз ҳозирча у қадар кўп голли вазият яратаётганимиз йўқ», — деди Аморим.