ОФК Чемпионлар лигаси-2 мусобақасининг "Насаф" иштирок этаётган А гуруҳида 1-тур баҳслари якунланди.
Қаршиликлар дастлабки турда Баҳрайннинг "Ал Ҳалидия" клуби билан 0:0 ҳисобида дуранг ўйнади ва ҳисобидаги илк очкосини қўлга киритди.
Гуруҳнинг иккинчи учрашувида "Ал Ваҳда" "Қувайт СК"ни 3:2 ҳисобида мағлуб этди.
Шу тариқа, 1-турдан сўнг "Ал Ваҳда" 3 очко билан гуруҳ пешқадами бўлиб турибди. "Насаф" ва "Ал Ҳалидия"да бир очкодан, "Қувайт СК" эса ҳозирча очкосиз қолмоқда.
2-турда "Насаф" 14 октябрь куни "Ал Ваҳда"ни қабул қилади. Учрашув соат 18:45 да бошланади.
