"Барселона" ярим ҳимоячиси Гави Ла Лиганинг "Расинг"га қарши учрашувидаги ғалабадан сўнг фикр билдирди.
Ёмғир каталонияликларга ўз майдонида еттита гол уришга халақит бермади. Меҳмонлар эса икки марта жавоб қайтарди.
"Биз ёмғир остида ўйнашни яхши кўрамиз. Барселонада ёмғир тез-тез ёғмайди, шунинг учун баъзида бундай ҳавода бироз салқинлашиб олиш ҳам ёқимли.
Аммо, ҳа, мухлислар, кечиринглар, сизларга ҳўл бўлиб қолишга тўғри келди. Ҳар доимгидек стадионга келиб, бизни қўллаб-қувватлаганингиз учун раҳмат", — деди Гави ўйиндан кейинги интервьюда.
Гави 61-дақиқада Педри ўрнига захирадан майдонга тушди.
Ханс-Дитер Флик бошчилигидаги "Барселона" Ла Лигадаги дастлабки олтита учрашувнинг барчасида ғалаба қозонди. Амалдаги чемпионлар 18 очко билан турнир жадвалида пешқадамлик қилмоқда ва "Реал"дан уч очко олдинда бормоқда.
