"Barselona" yarim himoyachisi Gavi La Liganing "Rasing"ga qarshi uchrashuvidagi g‘alabadan so‘ng fikr bildirdi.
Yomg‘ir kataloniyaliklarga o‘z maydonida yettita gol urishga xalaqit bermadi. Mehmonlar esa ikki marta javob qaytardi.
"Biz yomg‘ir ostida o‘ynashni yaxshi ko‘ramiz. Barselonada yomg‘ir tez-tez yog‘maydi, shuning uchun ba’zida bunday havoda biroz salqinlashib olish ham yoqimli.
Ammo, ha, muxlislar, kechiringlar, sizlarga ho‘l bo‘lib qolishga to‘g‘ri keldi. Har doimgidek stadionga kelib, bizni qo‘llab-quvvatlaganingiz uchun rahmat", — dedi Gavi o‘yindan keyingi intervyuda.
Gavi 61-daqiqada Pedri o‘rniga zaxiradan maydonga tushdi.
Xans-Diter Flik boshchiligidagi "Barselona" La Ligadagi dastlabki oltita uchrashuvning barchasida g‘alaba qozondi. Amaldagi chempionlar 18 ochko bilan turnir jadvalida peshqadamlik qilmoqda va "Real"dan uch ochko oldinda bormoqda.
