"Манчестер Юнайтед" бош мураббийи Майкл Каррик 15 ёшли Жей-Жей Габриэл атрофидаги вазият ҳақида фикр билдирди.
Ёш футболчи яқинда клубни тарк этишга қарор қилгани маълум бўлди. Унга Европанинг бир қатор топ-клублари, жумладан Мадриднинг "Реал", "Барселона", "ПСЖ" ва "Бавария" жамоалари қизиқиш билдирмоқда.
"Бу масалага жуда эҳтиёткорлик билан ёндашиш керак, чунки у атиги 15 ёшда. Энг муҳими — унинг манфаатлари ва хотиржамлиги ҳақида қайғуриш.
Вазият қандай бўлса, шундай. Аммо бу мавзуни ОАВда ёритишда ҳам жуда эҳтиёткор бўлишимиз керак", — деди Каррик.
"Манчестер Юнайтед" иқтидорли ҳужумчини клубда сақлаб қолишни истамоқда. Миш-мишларга кўра, Габриэл "Реал"га ўтишга тайёр.
