«Манчестер Сити»нинг 17 ёшли ярим ҳимоячиси Флойд Самба асосий жамоадаги дебют учрашувидан сўнг таассуротлари билан ўртоқлашди.
«Шаҳарликлар» Англия Лига кубоги 3-босқичида «Норвич»ни 5:0 ҳисобида мағлуб этди. Самба ушбу баҳсда дубль қайд этди.
«Бундай дебют қилиш — шунчаки ақл бовар қилмас ҳолат. Ўзим ҳам ишона олмадим. Аммо бу фақат бошланиши, олдинда мени катта фаолият кутиб турибди. Жуда ажойиб дебют бўлди.
Ҳозир бундан бахтлироқ бўлишим мумкин эмас. Бу катталар футболидаги илк ўйиним эди, шунинг учун ҳаммаси қийинроқ бўлишига тайёр туришим керак эди — ўйин суръати ҳам, футболчиларнинг савияси ҳам юқори. Менимча, вазифани уддаладим.
Асосий жамоанинг барча футболчилари билан гаплашдим. Ўйин олдидан улар менга «Ўз ўйинингни ўйна, ўзинг бўл», деб маслаҳат беришди. Бу сўзлар менга ишонч берди ва бугун икки гол уришимга ёрдам қилди», — дея Самбанинг сўзларини BBC келтирди.
Флойднинг отаси Кристофер Самба Конго терма жамоаси, «Анжи», Москва «Динамо»си ва бошқа бир қатор клублардаги ўйинлари билан танилган.
