"Кристал Пэлас" ярим ҳимоячиси Адам Уортон ёзги трансфер ойнасида жамоани тарк этмагани ҳақида фикр билдирди. Футболчига Европанинг бир қатор етакчи клублари қизиқиш билдирган эди.
"Мен бу ёзда кетиш ҳақида ҳеч қачон жиддий ўйлаганим йўқ. Агентим ҳам менга ҳеч нарса айтмайди. Умуман олганда, бу жараёнларга аралашмайман, чунки ҳеч нарсани билишни ҳам истамайман.
Агар жамоадан кетиш ниятим бўлмаса, трансферлар ҳақида қандайдир маълумотга эга бўлишимнинг маъноси йўқ", — деди Уортон Sky Sports нашрига.
Жорий мавсумда Уортон барча мусобақалар доирасида 6 та учрашувда иштирок этиб, 1 та голли узатмани амалга оширди.
22 ёшли ярим ҳимоячининг "Кристал Пэлас" билан амалдаги шартномаси 2029 йил июнига қадар мўлжалланган.
