"Kristal Pelas" yarim himoyachisi Adam Uorton yozgi transfer oynasida jamoani tark etmagani haqida fikr bildirdi. Futbolchiga Yevropaning bir qator yetakchi klublari qiziqish bildirgan edi.
"Men bu yozda ketish haqida hech qachon jiddiy o‘ylaganim yo‘q. Agentim ham menga hech narsa aytmaydi. Umuman olganda, bu jarayonlarga aralashmayman, chunki hech narsani bilishni ham istamayman.
Agar jamoadan ketish niyatim bo‘lmasa, transferlar haqida qandaydir ma’lumotga ega bo‘lishimning ma’nosi yo‘q", — dedi Uorton Sky Sports nashriga.
Joriy mavsumda Uorton barcha musobaqalar doirasida 6 ta uchrashuvda ishtirok etib, 1 ta golli uzatmani amalga oshirdi.
22 yoshli yarim himoyachining "Kristal Pelas" bilan amaldagi shartnomasi 2029 yil iyuniga qadar mo‘ljallangan.
