«Атлетико» ҳужумчиси Хулиан Альварес жума куни эрталаб жамоа билан машғулотларга қайтди.

The Touchline маълумотига кўра, аргентиналик футболчи «Реал»га қарши бўлиб ўтадиган Мадрид дербисида майдонга тушиши мумкин.

Альварес Ла Лиганинг ўтган турида «Реал Сосьедад»га қарши учрашувни ўтказиб юборган эди. «Атлетико» ўша пайтда футболчи мушаклардаги ортиқча зўриқиш сабаб қайдномага киритилмаганини маълум қилган.

Эслатиб ўтамиз, ёзда Хулиан Альварес «Барселона»га ўтишни истаган, аммо «Атлетико» уни қўйиб юбормаган эди.

«Атлетико» ва «Реал» ўртасидаги Ла Лига баҳси 20 сентябрь куни бўлиб ўтади.