«Барселона» вингери Ламин Ямал замонавий футболда ўйинчиларни баҳолашда статистикага ортиқча эътибор берилаётгани ҳақида фикр билдирди.

«Мен футболни шундай даврда кўриб улғайдимки, ўйинларни биринчи дақиқадан 90-дақиқагача тўлиқ томоша қилардик. Иловага кириб, ким нечта гол ургани ёки нечта голли узатма берганини текширмасдим.

Ўша пайтда ҳамма футболдан завқ оларди. Футболчи 20 та гол урмаган бўлиши мумкин эди, аммо унинг ўйини шундай бўлардики, кўз узиб бўлмасди. Масалан, Ўзил. Унинг ўйини менга жуда ёқарди.

Менимча, ҳозирги авлод шунчаки иловани очиб қарайди ва: «Ламин иккита гол урди ёки иккита голли узатма берди — демак, яхши ўйнади», дейди», — деди Ямал Movistar Plus нашрига берган интервьюсида.

Ламин Ямал алоҳида таъкидлаган Месут Ўзил фаолияти давомида, хусусан, «Реал» ва «Арсенал» клубларидаги ўйинлари билан танилган. У 2010-2013 йилларда мадридликлар, 2013-2021 йилларда эса Лондон клуби шарафини ҳимоя қилган.