"Манчестер Юнайтед" бош мураббийи Майкл Каррик жамоанинг янги мавсумдаги омадсиз старти сабаб унга босим кучайгани ҳақидаги гапларга кескин муносабат билдирди.
Каррик аввал вақтинчалик бош мураббий сифатида 17 та ўйинда 12 та ғалаба қозонганидан сўнг лавозимга доимий асосда тайинланган эди. Бироқ янги мавсум "қизил иблислар" учун қийин бошланди — жамоа барча мусобақалар доирасидаги 6 та учрашувнинг фақат 2 тасида ғалаба қозонди.
"Натижалар сабаб менинг ишим хавф остида, деб ҳисоблаш кулгили. Икки ёки учта ўйинда керакли натижани қўлга кирита олмадик. Бу мен истаганидан икки-учта ўйинга кўп, чунки мен мағлубиятни ҳақиқатан ҳам жуда ёмон кўраман. Аммо бу дунё қулаб тушяпти, дегани эмас.
Келажагим, раҳбарият ёки бу лавозимда менга қанча вақт берилгани ҳақида ўйламайман. "Менда яна қанча вақт қолди?" деб ўйлаш менинг вазиятимда мутлақо мантиқсиз. Бу ҳатто хаёлимга ҳам келмайди", — деди Каррик матбуот анжуманида.
