«Челси» бош мураббийи Хаби Алонсо АПЛ 5-турида «Брентфорд»га қарши учрашувдаги 0:3 ҳисобидаги мағлубиятдан сўнг ўз фикрларини билдирди.

«Ҳамма нарса, айниқса натижа, кўнглимизни қолдирди. Аммо биз яхшироқ ўйнай оламиз. Биз яхшироқ ўйнашга мажбурмиз. 45 дақиқа давомида яхши курашдик, аммо иккинчи бўлимда ўйинимизда пасайиш юз берди ва учта гол ўтказиб юбордик.

Диққатни йўқотмаслигимиз керак. Стандарт вазиятдан гол ўтказиб юборишимиз билан рақиб устунлик ва ўйин назоратини қўлга киритади. Иккинчи голдан кейин эса вазият анча қийинлашади ва жарима майдони атрофида интизом билан боғлиқ кичик муаммолар бошланди. Буни тўғрилашимиз керак, булар бизнинг хатоларимиз.

Биринчи бўлимда ўйинда эдик, аммо хавфли вазиятлар ярата олмадик. Қулай позициядан зарба бериш учун сўнгги пас, сўнгги алдаб ўтиш ҳаракати етишмади. Аммо бу масаланинг фақат бир томони.

Иккинчи томони эса — позицияни сақлаш, зич ўйнаш, ҳимояланиш ва рақиб ҳужум қилаётганда биргаликда ҳаракат қилиш. Яккакурашларда ғалаба қозониш ва бу борада барқарорликка эришишимиз керак», — дея Алонсонинг сўзларини BBC келтирмоқда.