«Chelsi» bosh murabbiyi Xabi Alonso APL 5-turida «Brentford»ga qarshi uchrashuvdagi 0:3 hisobidagi mag‘lubiyatdan so‘ng o‘z fikrlarini bildirdi.

«Hamma narsa, ayniqsa natija, ko‘nglimizni qoldirdi. Ammo biz yaxshiroq o‘ynay olamiz. Biz yaxshiroq o‘ynashga majburmiz. 45 daqiqa davomida yaxshi kurashdik, ammo ikkinchi bo‘limda o‘yinimizda pasayish yuz berdi va uchta gol o‘tkazib yubordik.

Diqqatni yo‘qotmasligimiz kerak. Standart vaziyatdan gol o‘tkazib yuborishimiz bilan raqib ustunlik va o‘yin nazoratini qo‘lga kiritadi. Ikkinchi goldan keyin esa vaziyat ancha qiyinlashadi va jarima maydoni atrofida intizom bilan bog‘liq kichik muammolar boshlandi. Buni to‘g‘rilashimiz kerak, bular bizning xatolarimiz.

Birinchi bo‘limda o‘yinda edik, ammo xavfli vaziyatlar yarata olmadik. Qulay pozisiyadan zarba berish uchun so‘nggi pas, so‘nggi aldab o‘tish harakati yetishmadi. Ammo bu masalaning faqat bir tomoni.

Ikkinchi tomoni esa — pozisiyani saqlash, zich o‘ynash, himoyalanish va raqib hujum qilayotganda birgalikda harakat qilish. Yakkakurashlarda g‘alaba qozonish va bu borada barqarorlikka erishishimiz kerak», — deya Alonsoning so‘zlarini BBC keltirmoqda.