«Наполи» бош мураббийи Массимилиано Аллегри «Фиорентина»га қарши ўйин жамоаси учун мавсумдаги энг муҳим баҳслардан бири бўлишини айтди.
Унинг таъкидлашича, Флоренцияда ўйнаш ҳар қандай жамоа учун қийин, «Фиорентина» эса сўнгги учрашувида яхши ғалабага эришган. «Эртанги баҳс мавсумдаги энг муҳим тўрт-бешта ўйиндан бири», — деди Аллегри.
Мураббий шунингдек, жамоадаги жароҳатлар ҳақида маълумот берди. Андре-Франк Замбо Ангисса таркибга қайтган бўлса-да, тўлиқ тайёр эмас, Скотт Мактоминей, Алекс Мерет, Алессандро Буонджорно, Лука Мариануччи ва Жовани эса учрашувни ўтказиб юборади. Кевин Де Брюйне эса асосий таркибда майдонга тушиши мумкин.
Аллегри «Арсенал»дан учралган мағлубиятдан сўнг «Болонья» устидан қозонилган ғалаба жамоа учун муҳим бўлганини айтди. Шу билан бирга, у «Наполи» ҳужумчиси Ноа Лангдан кўпроқ нарса кутаётганини таъкидлаб, футболчи ўз имкониятларидан келиб чиқиб яхшироқ ўйнаши ва тўғри кайфият билан майдонга тушиши кераклигини билдирди.
