«Барселона» ярим ҳимоячиси Фермин Лопес «Севилья»га қарши 3:1 ҳисобидаги ғалабадан сўнг учрашув ҳақида фикр билдирди.
«Кўк-анорранглилар» 19-дақиқада гол ўтказиб юборди, аммо орадан уч дақиқа ўтиб Рафинья Диас ҳисобни тенглаштирди. Иккинчи бўлимда эса жамоа сардори яна икки бор рақиб дарвозасини ишғол қилиб, «Барселона»га ғалаба келтирди.
«Севилья» — жуда қийин рақиб, улар юқори интенсивликда ўйнайди. Флик биздан имкон қадар агрессив ва юқори прессинг қилишни талаб қилди. Бажарган ишимиздан мамнунмиз.
Биринчи бўлимда бизга қийин бўлди, аммо танаффусдан кейин ўз ишимизни қилишимиз кераклигини билардик», — деди Фермин.
«Барселона» Ла Лигада ҳали очко йўқотгани йўқ. Каталонияликлар 7 турдан сўнг 21 очко жамғарган.
