«Барселона» бош мураббийи Ханс-Дитер Флик бразилиялик Рафинья Диасни марказий ҳужумчи позициясига ўтказиш қарори ҳақида гапирди.
«Уни ҳужумчи позициясига ўтказиш менинг қарорим эди. Биз бу масалани у билан олдиндан муҳокама қилдик. Клубда ҳамма Рафиньянинг салоҳиятини яхши билади ва унинг муваффақиятларидан жуда хурсанд. У тўп билан ҳам, тўпсиз ҳам ажойиб ҳаракат қилади», — дея немис мутахассисининг сўзларини инсайдер Фабрицио Романо ижтимоий тармоқларда келтирди.
29 ёшли бразилиялик футболчи «Севилья»га қарши сафар учрашувида хет-трик қайд этди ва «Барселона»нинг 3:1 ҳисобидаги ғалабасига катта ҳисса қўшди.
Жорий Ла Лига мавсумида Рафинья 7 та ўйинда 12 та гол уриб, яна 3 та голли узатмани амалга оширган.
