«Наполи» спорт директори Жованни Манна жамоа ярим ҳимоячиси Андре-Франк Замбо Ангиссанинг келажаги ҳақида фикр билдирди.

Унинг айтишича, клуб футболчи билан янги шартнома борасида келишувга эришишга ҳаракат қилмоқда, аммо музокаралар ижобий якунланмаса, томонлар тинч йўл билан ажралиши мумкин.

"Ангиссанинг шартномасини узайтириши масаласида у билан гаплашдим. У ўзини яхши ҳис қиляпти ва бутун эътиборини футболга қаратган. Агар келишувга эришсак, яхши. Акс ҳолда, уни қўйиб юборишимиз ҳам ҳеч гап эмас.

У ҳали мавсумни давом эттирмоқда. Унда кичик жароҳат бўлган, бундан ташқари, ноябрдан бери ўйнамаган эди. Ўтган мавсумда у жиддий муаммоларга дуч келган. Биз унга ишонамиз ва у ҳам бизнинг ишончимизга эга", — деди Манна.

Ангиссанинг «Наполи» билан амалдаги шартномаси 2027 йил ёзига қадар мўлжалланган. Камерунлик ярим ҳимоячи жорий мавсумда Италия чемпионатида учта учрашувда майдонга тушган.