«Реал» клуб телевидениесида «Атлетико» билан дербида бош ҳакам Мигель Анхель Ортис Арьяснинг қарорлари кескин танқид қилинди.

Ла Лиганинг 7-туридан ўрин олган «Метрополитано» стадионидаги учрашув «Реал»нинг 1:2 ҳисобидаги мағлубияти билан якунланди.

37-дақиқада Жуд Беллингем Кристиан Ромерони подкатда йиқитди. Бош ҳакам Ортис Арьяс дастлаб «Реал» ярим ҳимоячисига сариқ карточка кўрсатди, аммо видеотакрордан сўнг қарорини ўзгартириб, огоҳлантиришни Ромерога берди. Бунга аргентиналик ҳимоячининг Беллингемнинг тиззасини босиб олгани сабаб бўлди.

45-дақиқада «Атлетико» ярим ҳимоячиси Ли Кан Ин марказда Федерико Вальверденинг тўпиғи соҳасига зарба берди. Уругвайлик футболчи норози ҳолда ўрнидан туриб, бош ҳакам олдига борди, аммо Арьяс кореялик футболчига нисбатан ҳеч қандай чора кўрмади.

«Ромеро Жуд Беллингемга нисбатан қоидабузарлик қилди. Бу қизил карточкага лойиқ бўлган яққол фол. Бу аниқ. Қизил карточка учун намунавий ҳолат, ҳаммаси равшан. Бу четлатиш эди. Қандай шармандалик! Ромеро нега сариқ карточка олди? Ортис Арьяс яна кимнидир “босиб” кетди. Қандай шармандалик!», дейилади клуб баёнотида.