"Комо" дарвозабони Жан Бюте "Ланс"да тўп тепаётган ватандоши Робин Риссер ўрнига Миллатлар лигаси ўйинлари учун Франция терма жамоаси таркибига чақирилди. Бу ҳақда Франция футбол федерацияси маълум қилди.
Жисмоний ҳолати билан боғлиқ муаммолар сабаб 21 ёшли Риссер 25 ва 28 сентябрь ҳамда 2 октябрь кунлари мос равишда Туркия, Бельгия ва Италия терма жамоаларига қарши ўтказиладиган учрашувларда иштирок эта олмайди.
"Лилль" академияси тарбияланувчиси бўлган 31 ёшли Бюте учун бу Франция миллий терма жамоасига илк чақирув ҳисобланади.
2026/27 йилги мавсумда Бюте "Комо" сафида 5 та учрашувда майдонга тушиб, 6 та гол ўтказиб юборган.
