"Ливерпуль"нинг собиқ ҳимоячиси, ҳозирда футбол эксперти сифатида фаолият юритаётган Жейми Каррагер "қизиллар" ярим ҳимоячиси Флориан Вирцнинг "Борнмут"га қарши 1:0 ҳисобида якунланган ўйиндаги ҳаракатларини кескин танқид қилди.
"У "Ливерпуль" сафидаги энг ёмон ўйинларидан бирини ўтказди. Ҳозир мен Вирцнинг жисмоний ҳолати ёмон деб ўйламайман. Балки биз ҳозир унинг аслида қандай футболчи эканини кўряпмиз. Бош мураббий нимадир қилиши керак. Менинг жамоамда "Манчестер Сити"га қарши бўладиган кейинги ўйин учун Вирцга аниқ жой бўлмасди", — дея Каррагернинг сўзларини Daily Mail келтиради.
Жорий мавсумда 23 ёшли германиялик футболчи Англия Премьер-лигасида 5 та ўйин ўтказиб, 1 та голли узатма амалга оширган.
