Мадриднинг "Атлетико" клуби ҳимоячиси Кристиан Ромеро "Реал"га қарши дербидаги ғалабадан сўнг ўз фикрларини билдирди. Испания Ла Лигасининг 7-туридан ўрин олган учрашув 2:1 ҳисобида "Атлетико" фойдасига якунланди.
"Мадрид — қизил-оқ! Ҳеч ким буни эътибордан четда қолдиришига йўл қўйманг! Биз уч очкога тўлиқ муносиб эдик. Фахр, фидойилик ва ажойиб жамоавий руҳ — буларнинг барчаси бизнинг жамоада бор", — дея Ромеронинг сўзларини журналист Фабрицио Романо келтиради.
Еттита турдан кейин "Атлетико" 16 очко билан Испания чемпионати турнир жадвалида иккинчи ўринда бормоқда. Жамоа пешқадам "Барселона"дан 5 очко ортда.
Кейинги турда "матрасчилар" 10 октябрь куни сафарда "Алавес"га қарши майдонга тушади.
