"Атлетико" бош мураббийи Диего Симеоне жамоа ҳужумчиси Хулиан Альвареснинг ўйини ҳақида фикр билдирди.
"Альварес ҳаракат қилди. Унга қийин бўлди, аммо у курашди. Биз унга ўзининг энг яхши даражасига қайтиши учун ёрдам берамиз, чунки у "Атлетико" учун жуда муҳим футболчи. Биз у билан ишлашда давом этамиз", — дея Симеоненинг сўзларини Atletico Universe келтиради.
Испания чемпионатининг 7-турида "Атлетико" ўз майдонида "Реал"ни 2:1 ҳисобида мағлуб этди. Альварес майдонда ярим соат ҳаракат қилди, аммо гол ёки голли узатма билан ажралиб турмади.
Жорий мавсумда Альварес барча мусобақалар доирасида 4 та ўйинда қатнашиб, 1 та голли узатма амалга оширган.
