Аргентина терма жамоаси бош мураббийи Лионель Скалони халқаро танаффус олдидан илк бор ўз келажаги ҳақида ошкора фикр билдирди. Ушбу танаффус доирасида «альбиселесте» учта ўртоқлик ўйини ўтказади ва Лионель Месси билан хайрлашади. 2018 йилдан бери жамоани бошқариб келаётган мутахассис тўғридан-тўғри тасдиқламаган бўлса-да, фаолиятини давом эттириш ниятида эканини шама қилди.
«Яхши ўйин кўрсатишга ҳаракат қиламиз, аммо энг муҳими бу эмас. Кўпчилик футболчилар терма жамоадан чақирув олишга ҳақиқатан ҳам лойиқ эдилар — яқин орадаги ўйинлардаги ниятимиз ҳам шу: ёш футболчиларга ўйин услубимизга мослашиш имкониятини бериш. Ҳозир муҳим ва ҳаяжонли давр бошланмоқда».
Аввалроқ Скалони декабрь ойида шартномаси якунига етгач, терма жамоани тарк этиши мумкинлигини истисно этмаган эди.
