Матбуотда Килиан Мбаппе ва Усман Дембеле ўртасида муносабатлар таранглашгани ҳақида хабарлар тарқалган эди. Айтилишича, Дембелега Мбаппенинг матбуотда айтган айрим гаплари ёқмаган. Килиан ушбу мавзуга муносабат билдирди.
«Мен бу ҳақда Дембеле билан аллақачон гаплашганман. Ҳеч қандай таранглик йўқ, у менинг дўстим. Аслида ҳеч қандай муаммо мавжуд эмас, мен мутлақо хотиржамман. Шунчаки Миллатлар лигаси ва Франция терма жамоаси ўйинлари пайтида доим муҳокама учун қандайдир мавзу топиш керак бўлади — улар ҳам шу мавзуни топишди», деди Мбаппе.
25 сентябрь, жума куни Франция терма жамоаси Миллатлар лигаси доирасида Туркияга қарши сафар учрашувини ўтказади.
