Испания терма жамоаси бош мураббийи Луис де ла Фуэнте миллий жамоа билан янги шартнома имзолаганидан сўнг фикр билдирди.

65 ёшли мутахассиснинг Испания Қироллик футбол федерацияси билан янги келишуви 2032 йилга қадар амал қилади.

"Биз янада ривожланишда давом этишимиз ва ғалабалар учун курашишимиз керак. Ғалабага одатланиб қолиб бўлмайди. Муваффақият — доимо рақобатбардош бўлишда. Биз ҳозиргача эришган натижаларимиз билан чекланиб қолмоқчи эмасмиз. Ишонинг, энг яхшиси ҳали олдинда. Бизни ҳали кўплаб яхши воқеалар кутмоқда", деди де ла Фуэнте. Унинг сўзларини Mundo Deportivo келтирмоқда.

Испаниялик мутахассис 2022 йил декабридан буён миллий терма жамоани бошқариб келмоқда. 2026 йил ёзида Испания терма жамоаси унинг қўл остида жаҳон чемпионлигини қўлга киритди.