"ПСЖ" ярим ҳимоячи Варрен Заир-Эмерининг жароҳати бўйича тиббий маълумот тақдим этди. Футболчи якшанба куни "Марсель"га қарши ўтказилган "Ле Классик" баҳсида жароҳат олган эди.

Заир-Эмери Марселдаги учрашув вақтида чап сонидан енгил жароҳат олди. "ПСЖ" Франция терма жамоаси футболчиси бутун ҳафта давомида даволанишда бўлишини тасдиқлади.

Клуб баёнотида унинг майдонга қачон қайтиши бўйича аниқ муддат кўрсатилмаган. Шунингдек, футболчи қанча вақтга сафдан чиққан бўлиши мумкинлиги ҳам маълум қилинмади.

Кейинги қарорлар Заир-Эмерининг даволаниш жараёни қандай кечишига қараб қабул қилинади.